Estructura organizativa

Es organs de govèrn deth CNJC son:

> Era Assemblada Generau: ei eth maxim organ de participacion e decision deth CNJC. Era Assemblada Generau Ordinària (AGO) ei de caractèr annau e ei formada per un maximum de dues persones delegades de cada ua des entitats membres.

> Eth Comitat Executiu: se convòque dus còps ar an damb er objectiu de perméter as entitats de hèr seguiment deth prètzhèt amiat a tèrme peth secretariat pendent eth periòde comprenut entre assemblada e assemblada.

> Eth Secretariat: ei er organ elècte de gestion e direccion deth CNJC. Se trigue ena Assemblada per un mandat de dus ans e l’intègren maximum 10 representants d’entitats membres de plen dret. Entre aguesti representants se trigue un president o presidenta. Podetz consultar era informacion actualizada des membres deth secretariat aciu.

Parallèlament, eth CNJC compde damb ua equipa tècnica encargada d’executar es decisions prenudes peth secretariat e es entitats pendent es diuèrsi espacis de participacion. Era foncion principau d’aguesta equipa ei de balhar supòrt ena artenhuda des objectius annaus aprovadi ena assemblada.